Flugplatz Berg

Hurrrrra!!!! Die neue Flugsaison wurde gestern mit der traditionellen Windsackerneuerung eröffnet.

Do ausgfrasnste Windsack vom Johr 2018 isch mit vereinte Kräft zum Boda grunga wora. So lang 7 Leit no am alta Windsack rumzupft hont, hot do Fritz scho do neia in Wind kebt und für guad empfunda.

Jo Fritz, der isch greser als du.

Kaum isch des neie Duach an der Stang befestigt gwesa und Richtung Himmel gschoba wora, erstrahlte des rot-weiß farbige Diachle im volla Glanz.

Weil es doch zugig und kalt gwesa isch war jeder froh das do Pizzaofa im Airportle angenehme Wärme abgeba hot.

Kurz aber des wichtigste erörtert und erklärt durch do Platzhalter Bernhard isch es locker in do Obend ganga. Leckre selbstbachene Pizzas wurdet in Ofa gschoba und direkt an do Wärmequelle oder etwas entfernt verschmaust.

Musik und Gsang kehrt in Berg immer dazua und so lief do Aiportchor bei Kerzaschein in Höchstform auf.

So kann des Johr 2019 weiterganga!!!!